Muqdisho (Raxanreeb ) Qarax nuuca miinada soo boodada ah oo dhaliyay khasaaro isugu jira dhimasho iyo dhaawac ayaa maanta ka dhacay laamiga dheer ee degmada Dayniile, gaar ahaan halka loo yaqaan ceelka Ifis.

Sida aan wararka ku helnay qaraxan ayaa lala eegtay gaari nuuca ciidanka ah oo ay wateen ciidamo katirsan booliiska sida milatariga u tababaran ee ka howlgala qeybo badan oo kamid ah caasimadda Muqdisho.

Qaraxa miino ayaa la sheegay in uu haleelay gaariga ciidanka la socdeen, waxaana inta la xaqiijiyay u ku dhintay qaraxa hal askari oo katirsanaa ciidamada, halka ay ku dhaawacmeen labo askari oo kale.

Ciidamo katirsan booliiska ayaa gaaray goobta uu ka dhacay qaraxa miino, lamana soo sheegin ciidamada dad ay usoo qabteen qaraxa miino ee ka dhacay laamiga dheer ee degmada Dayniile

Saraakiisha Dowladda Soomaaliya wali ma aysan ka  hadlin qaraxan ka dhacay maanta ka dhacay degmada Dayniile ee magaalada Muqdisho.

Maalmihii la soo dhaafay waxaa magaalada Muqdisho ka dhacayay , falal amni darro oo saamayn ku yeeshay ,dadka shacabka ah ee ku  nool caasimadda