Muqdisho ( Raxanreeb ) Koox hubaysan ayaa caawa weerar bambaanooyin ah ku qaaday xarunta degmada Howlwadaag ee magaalada Muqdisho.

Mar qura ayaa gudaha magaalada Muqdisho laga maqlay jug culus oo xigtay rasaas toos ah.

Waxaa jiray iska caabin daqiiqado socotay sida ay sheegeen dad goobjoogayaal ah oo ku sugan degmada Howlwadaag ee Muqdisho.

Inkastoo xilli habeen ay tahay , hadana si rasmi ah looma oga khasaaraha ka dhashay weerarkan caawa lagu qaaday xarunta degmada Howlwadaag.

Maamulka degmada oo aan la xiriirnay si weerarkan ayaa ka jawaab celin waayay wicitaankeena.