Muqdisho (Raxanreeb ) – Waddooyin ka mid ah magaalada Muqdisho waxaa maanta oo sabti ah isugu soo baxay  dadwayne aad uga caraysan dil uu gaystay askar ka  tirsan ciidanka Dowladda.

Dilkan ayaa la sheegayaa inuu ka dhacay Isgoyska Siinaay  degmada Wartanabadda  ee gobolka Banaadir.

Dadwayne aad ka caraysan dilka wiilka dhallinyarada ah ayaa isugu soo baxay Isgoyska halkaas oo ay ku  muujinayaan sida ay ugu xun yihiin dilka

Goobjoogayaal ayaa sheegay in dadwayne ka soo horjeeda maamulka gobolka Banaadir ay isugu soo baxeen Isgoyska Siinaay laakiin dilka ka dib ayaa la sheegayaa in dadku ay bilaabeen in cadaalad u raadiyaan wiilka la toogtay.

Magaalada Muqdisho ayaa maalmahan waxaa ka jira dilal qaarkood ay gaysanayaan askar ka tirsan ciidanka Dowladda Soomaaliya .