“Iska hor imaad ” khasaare gaystay oo ka dhacay duleedka Beledwayne

Beledwayne ( Raxanreeb ) Dagaal u dhaxeeya ciidanka  Dowladda oo gacan ka helaya kuwa  deegaanka  ayaa ka socda deegaanka Beer-xaanno oo dhaca Koonfurta Beledweyne.

Dagaalka ayaa billoowday kaddib markii ciidanka dowladda  weerar ay ku qaadeen goob kooxda Al- Shabaab  isku aruursanayeen taasi oo keentay in uu dagaalka qarxo.

Saraakiisha ciidanka  ayaa warbaahinta u xaqiijyay in in khasaare xooggan Al- Shabaab la gaarsiiyay  aayna ka saareen deegaano aay kamid yihiin Beerxaano.

Warbaahinta ku hadasha afka Dowladda ayaa sheegtay in dagaalkan sidoo kale lagu beegsaday saraakiil ka tirsan kooxda Al- Shabaab , isla markaana ay sii socon doonaan dagaalada lagu qaadayo goobaha ay ku sugan yihiin Al- Shabaab

Dowladda Federaalka Soomaaliya  ayaa deegaano badan oo gobolada dalka ah waxa ay ka wadaan howlgal ay ku doonayso in ay ku xaqiijiso amniga dalka.

Leave a Reply

Your email address will not be published.