Jigjiga (Raxanreeb ) Wararka RBC uu ka helayo deegaano ka mid ah dhulka Soomaalida ayaa sheegaya in halkaas ay ka jiraan daadad xoog badan oo dhaliyay khasaare kala duwan.

Dadka iyo duunyo ayaa la soo sheegayaa in roobabka ay saameeyeen ka dib markii wabiyada karkaarada ay jabsadeen sida ay sheegeen dad halkaas ku sugan.

Daadadka  waxaa ku geeriyooday dad ay tiradoodu 50 ku dhowdahay, waxaana ku baro-kacay in kabadan 40 kun oo qoys, halka ay sidoo kale ku nafwaayeen xoolo tiradooda lagu qiyaasay ilaa 19 kun oo neef.

Masuuliyiinta dowlad deegaanka Soomaalida ayaa sheegaya in ay wadaan dadaalo ay ku doonayaan in ay ugu gurmadaan qoysaska dhibaatadu ay soo gaartay.

Daadadkan ayaa sidoo kale baabi’iyay dalaggii beeraha eek u yaallay dhulka dowlad degaanka Soomaalida, waxaana jira barakac xoogan oo ka dhashay daadadka iyo fatahaadaha.