Jalalaqsi (Raxanreeb ) Warar dheeraad ah ayaa ka soo baxaya qarax ismiidaamin ah oo ka dhacay degmada Jalalaqsi ee gobolka Hiiraan.

In ka badan  10 qof ayay maraysaa dhimashada ka dhalatay qaraxaas ismiidaaminta ee ka dhacay degmada Jalalaqsi.

Dhaawacyada ayaa sidoo kale kordhay sida ay ku warameen dad goobjoogayaal ah oo aan la hadlay , kuna sugan degmada Jalalaqse ee qaraxu uu ka dhacay.

Dadka weerarkan ku dhaawacmay ayaa sidoo kale waxaa kamid ah guddoomiyaha degmada Jalalaqsi oo isagu ahaa bartilmaameedka weerarkaasi.

Magaalada Muqdisho ayaa soo qaaday dhamaan dadka dhaawacmay kuwaas oo qaarkood xaaladooda ay aad u liidata sida ay sheegeen dhaqaatiirta caafimaad.