BuulaBurde (Raxanreeb ) qarax ismiidaamin ah oo loo adeegsaday gaari  ayaa maanta oo Arbaca ka dhacay degmada Buulaburde ee gobolka Hiiraan.

Qaraxan ayaa si gaar ah uga dhacay Buundada degmada Buulburde ee gobolka Hiiraan.

Sawiro laga soo qaaday goobta uu qaraxa ka dhacay ee Buundada Buulaburde ayaa muujinay dhibaato ba ‘ an oo gaartay Buundada.

Ciidanka ammaanka degmada Buulo-Burde iyo mas’uuliyiin ayaa tegay halka uu qaraxa ka dhacay, waxaana sidoo kale buundada dusheeda yaalla gaari qaraxa ku burburay.

Saraakiisha Dowladda ee ku sugan Degmada Buulaburde ayaa warbaahinta u sheegay in weerarkan Al Shabaab ay ka damacsanayeen in ay meesha ka saaraan adeegyada muhiimka maadama looga adkaaday dagaalka .