Nairobi (Raxanreeb) Raila Odinga,  oo  loogu awood roonaaday doorashadii ka dhacday Dalka Kenya ayaa Maxkamadda Sare Kenya u gudbinaya dacwad ku saabsan doorashada.

Odinga oo diiday guusha Madaxweyne  Willian Ruto uu ka gaaray doorashadii dhacday 9-kii August isaga oo helay 50.55 halka Odinga uu helay 48.8%

Waxa uu sheegay Mr Odinga in  natiijada doorashada ay shaaciyeen tiro yar oo  Guddiga doorashada ah , taas oo uu sheegay in ay tahay wax aan lagu qanci karin.

Taageerayaasha Mr Odinga ayaa dhowr jeer carqaladeeyay hanaanka xaqiijinta natiijada doorashada Kenya .

Kiiska Mr Odinga ayaa waxaa sii xoojinaya in afar ka mid ah todobada xubnood ee doorashada – oo ay ku jirto guddoomiye ku xigeenka Juliana Cherera – ay qaadeen tallaabo aan caadi ahayn oo ay ku diideen natiijada.

Dhanka kale hore Guddoomiyaha guddiga, Chebukati ayaa shalay sheegay in Ruto uu helay 50.49% codadka, halka Odinga uu ka helay 48.5%, sidaasna Ruto ku guuleystay.

Ku dhawaad 14 malyan oo qof ayaa codeysay doorashada Kenya ee Talaadadii aanu soo dhaafnay ka dhacday dalkaas.