Laascanood (Raxanreeb ) 20 qof ayaa la sheegay in ay ku dhinteen tira kalena ay ku dhaawacmeen dagaal xooggan oo maanta mar kale ka dhacay magaalada Laascaanood ee xarunta gobolka Sool.

Dagaaalka labada dhinac ayaa lagu soo waramayaa in maanta uu ku sii fiday meelo badan oo ku dhaw dhaw magaalada Laascanood ee gobolka Sool , halkaas oo ciidanka Somaliland lagala wareegay deegaano badan.

Wararka qaar ayaa sheegay in ciidamada Somaliland laga durkiyay fariisimaha Tukaraq, halkaas oo fariin u ahayd ciidanka Somaliland.

Somaliland ayaa haddii ay si buuxda uga baxdo degaanka Tukaraq waxay ka dhigan tahay, in ay lumisay masaafadii ugu dheereyd ee ay kajoogtay Sool.

Xerada ugu weyn ciidanka Somaliland gobalka Sool ee Goojacade waxaa gudaheeda laga maqlayaa rasaas xoog leh taas oo u dhaxeysa ciidamada halkaasi ku wada sugan oo qaarkood gadood sameeyey.