Ceelbuur (Raxanreeb ) Warar kala duwan ayaa ka soo baxaya  howlgalka  ciidanka Dowladda ay ku doonayso in  gudaha ay ugu gasho degmada Ceelbuur oo ah saldhiga ugu wayn ee Al- Shabaab.

Degmada Ceelbuur ayaa ah meel aad ay ugu xoogan yihiin kooxda Al- Shabaab , waxaana  isaga baxay halkaas sida wararka la helayo ay sheegayaan saraakiisha ugu saraysa kooxda Al- Shabaab.

Warar horudhac ah ayaa sheegaya in xubnaha  Al- Shabaab ee ku sugan degmada Ceelbuur ay doonayaan qaarkood in lagu dagaalamo degmada halka kuwo kale ay qabaan in  si nabad ah ay isaga baxaan degmada.

Hadalkan ayaa xoogiisa waxa uu soo baxay markii dhawaan ciidanka Dowladda ay la wareegeen deegaaano hoos  yimaada degmada Ceelbuur oo hore ay ugu sugnayeen Al- Shabaab.

Kaba- ku takade oo Al- Shabaab u qaabilsan galgaduud ayaa warar soo baxaya waxa ay sheegayaan inuu qabo fakar ah inuu dagaal la galo isagoo ku sugan sida la sheegaya deegaano ka mid ah gobolka galgaduud.

Waxaa la hadal hayaa in  Kaba- ku- tukade  iyo xubnaha kale ee ku sugan degmada Ceelbuur  uu ka dhaxeeyo  khilaaf xoogaan oo la xiriira xaalada degmada Ceelbuur  inkastoo aysan jirin warar badan oo arintaas xaqiijinaya.

Si kastaba waxaa jira khilaaf ka dhashay oo qabashada degmada Ceelbuur kaas oo u dhaxeeya madaxda dowladda  iyo xubnaha  Golaha shacabka ee ka soo jeeda degmadaas.

Khilaafka ka jira  degmada hadda waxa uu u muuqda laba dhinac midi waa kan u dhaxeeya  kooxda Al- Shabaab  iyo kan la xiriira sida loo qabanayo degmada ee Dowladda Soomaaliya