Gaalkacyo (Raxanreeb ) Magaalada Gaalkacyo ee gobolka  Mudug waxaa lagu dilay mid ka mid ah nabadoonada magaaladaas aadka loogu yaqaano.

Ilaa hadda lama oga sababaha  toogashada Nabadoonkan  oo lagu magacaabi jiray Nabaddoon Cabdi Aadan Siyaad ( Cabdi Dheere)

Dabley hubaysan ayaa sida la xaqiijiyay marxuumka ku toogtay bannaanka hore masaajidka Ramadaan oo ku yaalla xaafadda Garsoor ee magaalada Gaalkacyo.

Wararka ayaa sheegaya in marxuum Cabdi Dheere uu xilliga la toogtay markaas salaadda Makhrib ka soo baxay masaajidka Ramadaan.

Laamaha amniga magaaalada Gaalkacyo ayaa sheegay in dablayda hubaysan dilka ka dib goobta ay isaga baxsadeen , hase ahaatee ay wadaan baaritaan xooggan oo arintan la xiriirta