Mahadaay (Raxanreeb) Taliyaha ciidanka dhulka Somalia Dayax Cabdi iyo latilayaha madaxweynaha Cabdullaahi Maxamed Nuur ayaa booqasho kutagay saldhiga ciidanka ATMIS iyo kuwa xoogga dalka kuleeyihiin degmada Mahadaay ee gobolka Shabeellaha dhexe.

Sidoo kale, labada dhinac ayaa kawada hadlay howlgalada ciidan ey iska kaashanayaan milateriga Somalia, ATMIS iyo kuwa dadka deegaanka ee loo yaqaano Macwiisley.

Dhanka kale, howlgalo si wadajir ah ey ufuliyeen ATMIS, milateiga Somalia iyo kuwa loo yaqaano Macwiisleyda ayaa maalmo kahor waxa ay howlgalo kasameeyeen deegaanka Cali Fooldheere ee gobolka Shabeellaha dhexe halkaas oo ay dagaal adag kula galeen Al-Shabaab sida ay xaqiijisay ATMIS.

Wakiilka Gaarka ah ee guddoomiyaha golaha Midowga Afrika ahna Madaxa ATMIS Danjire Mohamed Souef El-Amine aya u hambalyeysay ciidamada isku dhafka ah wuxuuna ku cel celiyay in ay ATMIS ka go’an tahay fulinta Qorshaha Kala-guurka ee Soomaaliya. Ciidamada ATMIS iyo kuwa Xoogga Dalka Soomaaliyeed ayaa hadda ku hawlan sugidda amniga dhulkan la xoreeyey iyo ciribtirka haraadiga Al Shabaab ee degaannada Waqooyi ee degmada Mahadaay, ee dowlad goboleedka Hirshabelle.