Beledwayne (Raxanreeb ) Ciidanka amniga maamulka magaalada Beledwayne ayaa howlgal saacado badan qaatay waxa ay ka sameeteen xaafadaha magaaladaas.

Ujeedka howlgalka ayaa lagu sheegay in ay tahay si loo xaqiijiyo amniga xaafadaha magaalada ka dib markii la sheegay in suurtagal ay tahay in falal amni darro ay ka dhacaan halkaas.

Saraakiisha maamulka magaalada Beledwayne ayaa sheegay in tiro badan oo dhalinyara ah ay ka qab- qabteen xaafaha magaalada isla markaana ay ku hayaan , baaritaan dheeraad ah.

Magaalada Beledwayne dhawaan waxa lagaga dhawaaqay  ciidamo deegaanka ah kuwaas oo la sheegay in ay qayb ka noqon doonaan xaqiijinta amaanka.

Maamulka magaalada ayaa maalmo ka hor sidoo kale sheegay in ay ka feejigan yihiin suuragalnimada in kooxda Al- Shabaab weeraro ay ka fuliyaan gudaha magaalada Belewayne.

Si kasta gobolka Hiiraan ayaa ka mid ah meelaha ay ka socdaan howlgalada ka dhanka ah kooxda Al- Shabaab .