Kismaayo (Raxanreeb )- Warar kala duwan ayaa soo – baxaya dagaal ciidanka maamulka Jubbaland  iyo kuwa Al- Shabaab ku dhaxmaray deegaanka  Baarsanguuni ee duleedka Kismaayo.

Goobjoogayaal ku sugan magaalada Kisnaayo ayaa sheegay in weerarkan uu  ahaa mid saacad ka badan  halkaas ka soconayay isla markaana  uu jiro khasaare dhimasho iyo dhaawac.

Inta uu socday dagaalkan ayaa la sheegay inuu saamayn ku yeeshay dadka deegaankaas ku sugan ee Baarsanguuni ee duleedka magaalada Kismaayo ee gobolka  Jubbada hoose.

Saraakiisha Ciidamada Qaranka ayaa sheegay iney u suura gashay inay ka hor tagaan weerarka oo xogtiisa la sii hayey.

Saraakiisha Ciidanka xoogga dalka qaybta 43-aad iyo kuwa Jubbaland ayaa sheegay iney saacadaha soo socda faahfaahin buuxda ka bixin doonaan howlgalkan.