Beledwayne (Raxanreeb )-  Magaalada Beledwayne ee gobolka Hiiraan ayaa caawa degan ka dib dagaal qaatay saacado badan oo halkaas ka socday tan iyo xalay.

Dagaalkan waxaa u dhaxeeyay ciidamo kala taabacsan maamulka Hirshabeelle iyo kuwo kale oo taabacsan maamul la sheegtay in  uu yahay Hiiraan State.

Waxaa  uu sababay dhimasho  iyo dhaawac soo kala gaaray dhinacyada dagaalamay iyo dad shacab ah kuwaas oo tira ahaan la sheegay in ay gaaraan ku dhawaad 10 qof.

Magaalada Beledwayne waxaa caawa ku sugan sida wararka la helayo ay sheegayaan ciidanka  kuwa la baxay Hiiraan State ee diian maamulka Hirshabeelle.

Gudaha magaalada Beledwayne ee Hiiraan caawa waxaa lagu arkayaa ciidamo  taabacsan  Hiiraan  State sida ay sheegeen dadka deegaanka oo warbaahinta gudaha la hadlay.

Lama oga sida xaaladu ay isku  bedeli doono maadama , wali wax xal ah aan laga gaarin xiisada  ka taagan magaalada Beledwayne ee gobolka Hiirraan.