Muqdisho (Raxanreeb )- Kooxda Al- Shabaab ka tirsan  ayaa  abaaro  07:30 PM beegsatay  Ifraax Maxamuud Cumar oo  xubin ka ahayd gudiga adeega garsoorka  ee  uu kala diray  madaxweynaha  Dowladda Federaalka ah ee Soomaaliya.

Haweenaydan ayaa markii la beegsanayay waxa  ay  ka soo baxday Hotel ay ka deganayd magaalada Muqdisho iyada oo kooxdana ay u galeen jidka si ay u  qaarijiyaan hase ahaatee ay ka badbaaday.

Weerarkan ayaa ka dhacay caawa nawaaxiga Isgoyska  Banaadir , halkaas oo laga maqlayay rasaas xooggan oo ka dhalatay weerarka.

Ifraax Maxamuud Cumar oo sidoo kale ka mid ahayd Maxkamada sare ee dalka waxaana  ayna saarnayd gaari qaas ah  taas oo keentay in kooxahan  si dirqi ah ay uga badbaado.

Ma jirin wax dhibaato ah oo haweenaydan oo ah masuul ka tirsan Maxkamadda sare ee dalka  ka soo gaarin rasaastii la huwayay gaarigii ay saarnayd sida ay sheegeen goobjoogayaal aan la hadalnay.

Kooxdan oo ka tirsan Al- Shabaab ayaa goobta isaga baxday ka dib markii rasaasta lagu faray gaariga  Ifraax ay la socotay ay ku soo baxeen ciidanka dowladda Federaalka ah ee Soomaaliya halkaas oo iska caabin ay ka sameeyeen ciidanka.

Sayga haweenaydan la weeraray caawa ee Ifrax  ayaa hore kooxda Al- Shabaab waxay ku beegsadeen qarax ay ugu xireen gaarigiisa nawaaxiga Sayidka ee magaalada Muqdisho oo uu u dhintay.

Ugu dambeyntii, dhacdada noocaan oo kale ah waa mid ku badan Magaalada Muqdishu in masuuliyiinta dowlada ay kooxo hubeysan oo A.S ah ku beegsadaan waxaana hore u jiray xubno dowladda ah oo  kooxda ay dileen.