Muqdisho (Raxanreeb) –Maanta oo Arbaca ah waxa dib u dhac uu ku yimid kulan Villa Hargaysa ay ku yeelan lahaayeen Barlamaanka labadiisa Aqal waxaana soo baxaya xog ku saabsan sababta baaqashada kulanka.
Xildhibaanada ay qorshaha ugu jiray maanta meel marinta cutubyo ka mid ah Dastuurka oo dood adag wali ay ka taagan tahay habka loo marayo isla markaana tuhun badan uu jiro.
Waxa socda Olole culus oo lagu doonayo in meesha laga saaro in Barlamaanka labadiisa aqal ay meelmariyaan cutubyada wax ka bedelka lagu sameeyo taas oo ay diidan yihiin madax hore iyo siyaasiin badan oo Soomaaliyeed.
Barlamanka Soomaaliya ayaa maalmahan waxa uu dood adag uu ka lahaa , wax ka bedelka Dastuurka KMG ah oo ay riixayso Villa Soomaaliya inkastoo wali lagu dhegan yahay.
Magaalada Muqdisho waxa si aad ah uga socda shirarka looga hadlayo arrimaha Dastuurka oo jihaysay , waqtiga Dowladda Soomaaliya ee uu hoggaaminayo Xasan Sheekh Maxamuud.
Madax hore iyo siyaasiin ku sugan magaalada Muqdisho oo ka hadlay wax ka bedelka Dastuurka ayaa sheegay in qorshahan uu yahay mid la doonayo in lagu marin – haabiyo dowladnimada Soomaaliya.
Madaxwaynaha Soomaaliya oo ka hadlay Dastuurka dhawaan waxa uu sheegay in la meelmarin doono wax ka bedelkiisa , waxana u weerar afka ah ku qaaday madaxdii hore ee diidan qorshihiisa.
Leave a Reply