Nairobi (Raxanreeb ) Madaxweynaha Kenya, Wiliam Ruto ayaa maanta shaaca ka qaaday golihiisa wasiirada isagoo Aadan Barre u magacabaay inuu noqdo wasiirka gaashaandhigga Kenya.
Wasiirada la magacaabay ayaa waxaan ku jirin qof kale oo Soomaali ah marka laga reebo Aadan Ducaale, mana caddaa xubno kale ay dhiman yihiin
Xubnaha kale ee golaha wasiirrada waxaa ku jira Moses Kuria oo noqonaya wasiirka ganacsiga iyo waarshadaha, iyo Kithure Kindiki oo noqonaya wasiirka arrimaha gudaha.
Madaxweynaha Kenya ayaa sidoo kale magacaabay Musalia Mudavadi oo ka mid ah hoggaamiyayaasha axsaabta isbahaysiga la lahaa madaxweynaha inuu noqdo Xoghayaha Koowaad ee Golaha Wasiirrada.
William Ruto ayaa sheegay inuu rajeynaya in Golaha Wasiirada cusub ay si deg deg ah uga howlgalaan fulinta ballanqaadyadii uu sameeyay intiii lagu guda jiray ololaha doorashada.
HOOS KA AKHRISO Magacyada Golaha Wasiiradda.
1.Wasiirka difaaca-Aadan Barre Ducaale.
2.Wasiirka beeraha- Mithika Linturi
3.Wasiirka waxbarashada- Ezekiel Machogu
4.Wasiirka caafimaadka- Susan Nakumicha Wafula
5.Wasiirka arrimaha gudaha- Prof. Abraham Kithure Kindiki
6. Wasiirka adeegga dadweynaha- Aisha Jumwa.
7.Wasiirka gaadiidka- Kipchumba Murkomen
8.Wasiirka dalxiiska- Peninah Malonza
9.Wasiirka isgaarsiinta- Eliud Owalo
10.Wasiirka arrimaha dibadda iyo qurbaha -Dr. Alfred Mutua.
11-Wasiirka shaqaalaha- Florence Bore
12.Wasiirka biyaha- Alice Muthoni Wahome
13-Wasiirka ganacsiga- Moses Kuria
14.Wasiirka Maaliyada-Njuguna ndung’u
15.Wasiirka bariga Afrika-Rebecca Miano
16.Wasiirka deegaanka-Roselinda Soipan Tuya
17.Wasiirka dhulalka-Zachariah Mwangi Njeru
18.Wasiirka tamarta-Davis Chirchir
19.Wasiirka dhallinyarada iyo cayaaraha-Ababu Namwamba
20.Wasiirka iskaashatada-Simon Chelugui
21.Wasiirka macdanta-Salim Mvurya
Leave a Reply