Muqdisho (Raxanreeb ) Maanta oo Talaado ah, iyadoo aan la wargelin qareenada iyo qoyska, ayaa Xoghayaha Warfaafinta iyo Xuquuqda Aadanaha Somali Journalists Syndicate – SJS mudane Mohamed Ibrahim Bulbul loo kexeeyay Maxkamadda Gobolka Banaadir.

Qareenada iyo hawl-wadeennada Somali Journalists Syndicate – SJS ayaa markii ka warheleen arrinkan gaaray xarunta maxkamadda. Wax dhageysi ah lama sameyn, saraakiisha booliska #CID waxay markale sheegeen inaysan sameyn baaritaan, ayna u baahan yihiin waqti dheeraad ah. Xeer Ilaalinta ma iman goobta maxkamadda saaka.

Bulbul ayaa dib loogu celiyay Saldhigga Booliska ee degmada Xamar Jajab.

Somali Journalists Syndicate – SJS waxay ku baaqeysaa in deg deg loo sii daayo mudane Bulbul, lagana joojiyo cabburinta lagu hayo.

Shalay waxaa la diiday in maxkamadda la keeno. Saaka ayaa markale la diiday in maxkamadda la horkeeno. Booliska ayaa sheegaya inay wax baaris ah sameynin illaa hadda.

Somali Journalists Syndicate – SJS waxay dalbaneysaa in Bulbul la siidaayo, lana joojiyo caburinta lagu hayo.

Somali Journalists Syndicate – SJS waxay ku celinaysaa baaqeedii hore ee ahaa in deg deg loo siidaayo Mohamed Ibrahim Bulbul, lana joojiyo caburinta illaa hadda lagu hayo.