Ceel-baraf ( Raxanreeb Online) Sida ay sheegayaan wararka anu ka heleyno gobolka Shabeellaha Dhexe kooxda Al-shabaab,  ayaa iskaga baxday magaalooyinka Ceel-baraf iyo Biya-cadde kaddib markii ay la kulantay duqeymo culus oo laga fuliyay halkaasi.

Wararka ayaa intaas ku adaraya  in kooxda ay iskugu  yeertay dad yar oo ku sugnaa Ceel-baraf,  kadibna ay ku wareejiyeen furaha masjidka magaaladaas, kaas oo ay hore uga qaateen markii ay qabsadeen.

Duqeymo culus oo dhowrkii maalmood ee lasoo dhaafay lala beegsaday   Al-shabaab ayaa la sheegay inay sabab u noqotay ka bixistooda deegaanadan.

Sidoo kale, ciidamada dowladda ayaa la sheegay in ay burburiyeen  buundo macmal ah oo ay kooxdu ka sameysteen deegaanka Aw Baale ee gobolka Shabeellaha Dhexe.

Sikastaba, dowladda Soomaaliya ayaa kordhisay  duqeynta cirka iyo dagaalka tooska ah, taasoo keentay in kooxdan Al-shabaab ay khasaaro xoog leh kala kulanto howlgalladaasi.