Muqdisho (Raxanreeb ) Dowladaha Soomaaliya iyo Kenya ayaa kala saxiixday qodobo dhawr ah oo la xiriira danaha labada dal ka dib shan sanno oo – uu xumaa xiriirka labada dalka .

Heshiiska labada dal ayaa waxaa faa’ idada ugu badan u dhacaysaa Dowladda Kenya waxaana soo baxaya in Kenya dhankeeda uusan ka fulin qodob ka mid ah oo qeexayay dal ku gal Visaha oo taagan halkii shan sanno ka hor ahaa.

Jaadka ay dowladda Kenya u soo dhoofin jirtay Soomaaliya ayaa la joojiyay kadib markii labada dal isku qabteen arrimaha Badda iyo faragalin ay Kenya ku haysay arrimaha Soomaaliya, balse Dowladda Soomaaliya ay bishii July ogolaatay in Qaadka Kenya la keeno gudaha Soomaaliya.

Madaxa Miraa ee kenya  Pyrethrum, ayaa sheegay in Kenya ilaa hadda ay dhoofisay 1.4 milyan oo kiilogaram oo Miiraa ah kadib markii labada dal ay ka heshiiyeen khilaafkii dhexdooda yiilay.

Dakhliga soo gala, si kastaba ha ahaatee, waxaa hoos u dhigay tirada tirada Kenya ee loo ogolyahay in ay u dhoofiso Soomaaliya. Markii hore, Nayroobi waxaa loo oggolaaday inay iibiso 40 tan maalin kasta laakiin hadda waxa kaliya oo ay rari kartaa ugu badnaan 19 tan maalintii.