Kapul (Raxanreeb) Ku simaha wasiirka gaashaandhiga ee Taliban, Mullah Mohamed Yaqoob, ayaa sheegay in Pakistan aysan oggolayn in hawadeeda ay isticmaalaan diyaaradaha aan duuliyaha lahayn ee Mareykanka, si ay ugu gudbaan dalka Afghanistan.

Bishii lasoo dhaafay gantaal laga soo tuuray diyaaradaha aan duuliyaha lahayn ee Mareykanka, ayaa lagu dilay magaalada Kabul, hoggaamiyihii Al Qaacida, Ayman Al Dhawaahiri.

Yacquub ayaa carabka ku dhuftay, in sida xogta ay dawladdiisu sheegtay diyaaradaha aan duuliyaha lahayn ay Afghanistan kasoo galeen dhanka Pakistan.

Ma jirto wax jawaab ah oo degdeg ah oo kasoo baxay wasaaradda arrimaha dibadda Pakistan, balse maamulka Islamapad ayaa beeniyey iney wax lug ah ku lahayd, ama ay wax ka ogayd duqeynta Al Dhawaahiri.