Beledwayne ( Raxanreeb )  Wararka ka imaanaya degmada Maxaas  ee gobolka Hiiraan ayaa sheegaya in halkaas lagu dilay ganacsade caan ka ah magaaladaas.

Ganacsadahan ayaa lagu magacaabi jiray  Xasan Maxamuud Osoble waxaa ayaa waxaa dilkiisa  ka danbeeyay koox hubaysan

Sida dadka deegaanka ay sheegayaan dilka ka dib kooxda hubaysan ayaa goobta isaga baxsaday waxyar ka dibna waxaa howlgal bilaabay ciidanka amniga.

lama sheegin sababta ka danbeysa dilka ganacsadahan mana jirto wax war ah oo maamulka degmada Hiiraan uu ka saaray dilkan.

Dhawr jeer ayaa sidan oo kale koox hubaysan waxay dilal uga gaysteen degmooyin ka mid ah maamulka Hirshabeelle.