Kismaayo (Raxanreeb ) Wararka laga helayo magaaalada Kismaayo ee gobolka Jubbada hoose ayaa sheegay in halkaas ciidanka Jubbaland ay ka sameeyeen howlgal la sheegay in ay ku soo qabteen sarkaal ka tirsan kooxda Al- Shabaab.

Wararka ayaa sheegay in howlgalkan uu si gaar ah uga dhacay xaafada Shaqaalaha ee magaalada Kismaayo , halkaas oo la sheegay in sarkaalkan uu ku dhuumalaysanayay  in muddo ahna halkaas uu howlaha shaqo ee kooxda uu ka waday.

Bashiir Nuur Bashiir oo ah ninka ay soo qabteen ciidanka  ayaa ah wiil da’ yar, isagoo u sheegay Hay’adaha ammaanka inuu tababar kusoo qaatay magaalada Jilib ee gobolka Jubbada Dhexe,  halkaas oo ay maamulaan kooxda Al- Shabaab.

Wuxuu intaas warkiisa ku daray  in magaalada Kismaayo ka sameeyay markuu yimid shaqooyinka Dhismaha iyo Xamaalka oo uu gaari gacan ku shaqeystay isla markaana uu sii waday howsha kooxda Al- Shabaab.

Sidoo kale ciidamada Jubbaland waxay soo bandhigeen adeerkiis, nabadoonkii beeshiisa oo soo damiintay, haweeney guri u kireysay iyo dad kale ayaa lala soo qabtay ninkaan.