Dhuusmareeb (Raxanreeb ) Cabdi Maxamed Suul-nuug oo ahaa Tiliyihii guutada 18-aad ee ciidanka Gorgor ayaa ku geeriyooday dagaal saakay ka dhacay deegaanka Caad ee gobolka Mudug.

Taliyaha ayaa la sheegay in uu u geeriyooday dhaawac kasoo gaaray dagaal maanta ka dhacay deegaanka howdka ah ee Jeex jeex oo hoostaga degaanka Caad ee gobolka Mudug.

Sargaalkan katirsanaa kumaandooska Gorgor ayaa hormuud u ahaa howlgalka ciidanka xoogga dalka ka wadaan deegaanno katirsan gobolka Mudug .

Dagaalka ayaa ka danbeeyay kadib markii ay ciidamadda xoogga dalka weerareen goob ay ku sugnaayeen Shabaab, waxaana halkaasi ka dhashay khasaare culus.

Sida aan wararka ku helnay dagaalka maanta ka dhacay koonfurta gobolka Mudug ayaa dhaliyay khasaaro xooggan oo labada dhinac kala gaaray, waxaana adag in si dhab ah loo ogaado khasaaraha uu reebay dagaalkan.